Fanongonongo polokalama hiko veve fakakatoa ki he ngaahi kolo ‘o Tongatapu

Ki he: Ngaahi kolo kotoape ‘i Tongatapu ni.

Fekau’aki moe: Polokalama hiko veve fakakatoa ki he ngaahi kolo ‘o Tongatapu.

‘Oku ‘oatu ‘a e fanongonongo ki he ngaahi kolo kotoape ‘i Tongatapu ni, kataki ‘o fakatokanga’i ange ‘e kamata ‘i he ‘aho Falaite, 1 ‘Epeleli 2016 ‘a e Polokalama hiko veve fakakatoa ‘i Tongatapu ni ‘a ia ‘oku fokotu’utu’u mo teu ke fakahoko ‘e he Kautaha Ma’u Mafai ki he Veve pe koe Waste Authority Ltd.

Koe Polokalama Hiko Veve Fakakatoa ko ‘eni ‘e hiko ai ‘ae veve mei he ngaahi ‘api ‘i Tongatapu ni. Kataki ‘o tuku mai ho’omou veve ki he toumu’a ho ‘api ‘ihe ‘aho ‘e hiko ai ‘ae veve ‘i homou ngaahi kolo takitaha ‘ihe taimi anga maheni pe.

Ki he kakai kotoa pe ‘oku ‘iai ha sitika na’e ‘osi fakatau, kataki ‘o fakatokanga’i ange ‘e ‘ikai ke toe ngaue’aki ia kae fetu’utaki mai ke to’o e ngaahi totongi ko eni mei ho’o mo’ua veve. ‘E malava ke ma’u atu ‘a e lisi ki he polokalama hiko veve mei homau ‘ofisi pea ‘oku toe pulusi atu foki ‘ihe ngaahi nusipepa.

Ki ha fakamatala fakaikiiki fekau’aki moe Polokalama Hiko Veve Fakakatoa, kataki ‘o fetu’utaki mai kihe fika telefoni 27-826 pe 27-827 pe a’u tonu mai pe ki he ‘Ofisi Ma’u Mafai Ki he Veve.

Malo moe faka’apa’apa atu,

‘Ofisi Ma’u Mafai ki he Veve.

Polokalama Hiko Veve Kamata ‘i he ‘aho 1 ‘Epeleli 2016: