28 ‘o Siulai, 2018 ‘Oku angamaheni pē ke mau kau atu ki he Maa’imoa Faka’ali’ali Ngoue ‘i he ta’u kotoa ko e poupou mo e langolango ki he ngaahi polokalama ko ia ‘a e Potungāue ‘a e Pule’angá pea mo fakamālohia ‘a e ngaahi polokalama fakalakalaka ‘a e kakai fefiné.
Ko e fakahā ‘e he ‘Ofisa Ma’olunga mei he Va’a ki he Fakalakalaka ‘a e Kakai Fefiné ‘oku fakamalumalu ‘i he Potungāue ki he Ngaahi Ngāue Fakalotofonua (MIA), ‘Ofa Māsila.
Na’á ne pehē ko e taha foki ia ‘a e ngaahi fatongia ‘o e Va’a Kakai Fefiné kenau hanga ‘o langa hake ‘a e fakalakalaka ko ia ‘a e hou’eiki fafiné.
‘I he fakamatala ‘a ‘Ofá ‘oku fakafiefia ‘a e lava ke kau mai ‘a e ngaahi kulupu fakalakalaká pea pēhē ki he ngaahi kōmiti kakai fefiné ‘i he Faka’ali’ali Ngoue, pehē foki ki he ngaahi palepale fakataautaha ‘a e kakai fefiné.
“Meimei ‘oku nau lelesita kotoa mai, ki he tafa’aki ko ‘eni ‘o e kakai fefine ki he MIA. ‘I he taimi tatau ‘oku mau fengāue’aki vāofi mo e Potungāue Ngoué ‘i he tokoni ki hono fakalele ‘a e ngaahi polokalama ‘a’ahi ko ‘ení, ‘a ia ko e ‘a’ahi ki mu’á pea mo e ‘a’ahi ‘i he lolotonga ‘a e faka’ali’ali.”
Na’e pehē foki ‘e Masila na’e ‘ikai ke nau ma’u faingamālie ke kau mai ‘i he polokalama faka’ali’ali ngoue ‘o e ta’u kuo ‘osi. Ka ‘oku fokotu’u ‘enau palepale ‘i he ta’ú ni, pea ke lava foki ke faka’ali’ali ai mo ‘enau ngaahi ngāue, kae pehē ki he fanga ki’i pepa ‘e lava ke ‘ilo ai ‘e he kakai ‘o e fonuá ‘a e ngaahi polokalama ngāue ‘o e tafa’aki ni.
NGATA’ANGA
Tuku atu mei he: Potungāue Fakamatala ‘Ea, Ma’u’anga Ivi, Ma’u’anga Fakamatala, Tokangaekina ‘o e Fakatamaki Fakaenatula, ‘Atakai, Feliuliuaki ‘o e ‘Ea mo e Fetu’utaki