05 ‘o ‘Epeleli, 2022 Na’e a‘u ha lipooti ki he kau Polisi ‘i Neiafu, Vava‘u´ mei he kolo ko ‘Utungake´ ‘i he efiafi Tokonaki ‘aho 2 ‘o ‘Epeleli, 2022. Na‘e ‘ilo ai ‘e he kau polisi´ ‘i ha ‘api nofo‘anga, ‘a e sino kuo ‘aunga, ko e ongo mātu‘a Nu‘u Sila nofo ‘Utungake, ko Ben Rocky Neill (ta’u 48) mo Rochelle Neill (ta‘u 49).
Na‘e fakahoko ‘a e sula´ ‘o fakapapau‘i ko e pekia tupu mei he ‘uhila´, ‘o ngalingali ko ha fakatu‘utāmaki ta‘e‘amanekina (accidental). Koe‘uhi ko e tu‘unga ‘au‘aunga kuo ‘i ai e sino ‘o e ongo pekia´ na‘e tu‘utu‘uni ‘a e toketā´ ke tanu leva hili pē ‘a e ngāue ‘a e kau sula´.
Na‘e fengāue‘aki ‘a e Potungāue Polisi Tonga´ mo e ‘Ofisi ‘o e Talafekau Lahi ‘a Nu‘u Sila ‘i Tonga´ ke fakahoko e fetu‘utaki mo e fāmili ‘o e ongo pekia´ ‘i Nu‘u Sila´.
Fetu‘utaki ki he Potungāue Polisi´ ‘i he 740-1660 pe 922 ka ‘i ai ha fa’ahinga fakamatala fekau‘aki mo e me’a´ ni pe ko ha hia ke fakahā mai.
NGATA’ANGA
Ki ha fiema‘u fakaemītia, fetu’utaki mai ki homau ‘Ofisi Mītia & Fetu’utaki´ ‘i he telefoni 740-1625.