03 ‘o ‘Epeleli, 2022 ‘E tāpuni kotoa ‘a e ngaahi ako’anga mo e Ngaahi Potungāue ‘a e Pule’anga ‘i he ‘otu Ha’apai ‘o kamata ‘apongipongi, Monite 4 ‘o ‘Epeleli, 2022, kae ‘oua ke toki fanongonongo atu ha taimi hoko atu, ko e me’a ia ‘a e ‘Eiki Palēmia, Hon. Hu’akavameiliku mei Nuku’alofa he efiafi ni.
Ko e tu’utu’uni eni hili ha mahino ‘oku mafola he komiunití ‘a e vailasi Koviti-19 ‘i Ha’apai.
Na’e me’a ‘a Hon Hu’akavameiliku, ko e Minisitā Ako mo e Akongaue, ko e tapuni eni ke fakafaingamalie’i ‘a e Potungaue Mo’ui ke fakahoko ‘enau ngaue ki hono muimui’i ha ni’ihi ne feohi vāofi mo kinautolu ‘oku puke mo fakahoko ‘a e fakatotolo tokamu’a ki he mafola ‘a e vailasi.
Na’e ma’u ‘a e vailasi Koviti-19 ‘i he nofo’anga na’e tauhi ai ‘a e kau folau(MIQ) ‘i he uike kuohili ka kuo mahino eni kuo ma’u ‘i he komiunití.
NGATA’ANGA
Tuku atu mei he: ‘Ofisi ‘o e Palēmia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 7401351 Fax: (676) 23 888; Ngaahi Faka’eke’eke- Email: pressroom@pmo.gov.to Uepisaiti: www.pmo.gov.to