01 ‘o ‘Epeleli, 2022 Na’e puke ‘e he kau Polisi ‘i he Va’a Ngäue ki he Faito’o Ta’efakalao´ ha tangata ta’u 35 mei Te’ekiu hili ia hono hua ‘a hono ‘api nofo’anga´ ‘o puke mei ai ha pëketi ‘aisi (methamphetamine) ‘e 49 (4.31g), pa‘anga ‘e $1,500 mo ha ngaahi naunau faito‘o ta‘efakalao.
‘Oku lolotonga tauhi ‘a e faka’iloa´ ‘i he malumalu ‘o e kau Polisi´ kae fakakakato e ngāue ki hono faka’ilo´ pea ke ne toki hā ‘i he Fakamaau’anga´ ‘amuiange.
Na‘e fakahā ‘e he Tokoni Komisiona Le’ole’o´ Halatoa Taufa, “Neongo ‘a e taimi faingata’a ko eni ‘i he mafola ‘a e COVID-19, ka ‘oku hokohoko atu pē ‘a e ngāue e Va’a Ngäue ki he Faito’o Ta’efakalao´ ki hono puke mo ‘oatu ki he Fakamaau’anga´ e kakai ‘oku nau kaunga ki hono tufaki mo fakatau atu e faito‘o ta‘efakalao´ ‘a ia ‘oku´ ne uesia hotau kakai´ mo e komiuniti´”.
Fetu‘utaki ki he Polisi´ ‘i he 740-1660 pë 922 ka ‘i ai ha fakamatala ‘oku´ ke ‘ilo fekau’aki mo ha hia pë ngäue feläve’i mo e faito‘o ta‘efakalao´.
NGATA’ANGA
Ki ha fiema‘u fakaemītia, fetu’utaki mai ki homau ‘Ofisi ki he Mïtia mo e Fetu’utaki´ ‘i he telefoni 740-1625.