Fakatatau ki he kupu 32 mo e 34 (1) ‘o e Lao ki he Pule’i ‘o e Me’a Fakafokifä [Vahe 7.02], pea ‘I he’eku fakapapau’i ‘a e ngaahi me’a ko’eni –
1) ‘Oku kei mafola ‘a e mahaki novel coronavirus (“COVID- 19”) fakamamani lahi pea ‘i he ngaahi fonua ofi ki Tonga;
2) ‘O fakatatau ki he Ngaahi Tu’utu’u ni Fakahä ‘o ha Tu’unga Fakatu’utamaki ki he Mo’ui (COVID – 19) 2020, ‘i hono fakatonutonu ,tukukehe ka to e fakalöloa ‘i he kupu 167 ‘o e Lao ki he Mo’ui ‘a e Kakai [ Vahe 12.15] pea mo e fakahä koia ‘o e COVID – 19 ko e mahaki Fanongonongo Fakatu’utamaki ‘i he ‘aho 11 ‘o Ma’asi 2021 pea kasete’i ‘i he ‘aho 11 ‘o Ma’asi 2021 , kuo mahino mei ai ‘oku kei hokohoko mai pe ‘a e fakatu’utamaki ki he mo’ui ‘a e kakai ‘I Tonga;
PEA ‘oku ou fiemalie ai ke kei ngaue’aki ‘a e mafai ‘i he me’a fakafokifa ko e’uhi ke ta’ofi pe fakasi’isi’I ‘a e malava ke hoko mo e mole koia ‘a e mo’ui koe’uhi ko e COVID- 19 , ‘i he’ene pehe ‘oku ou fakafo’ou ai ‘a e Fakahä Fakafokifä ‘a ia na’e fakahoko ‘i he ‘aho 7 ‘o Sune 2021 , ke ngaue’aki ki he kotoa ‘o e ngaahi ‘elia ‘o e fonua mo e potu tahi ‘o Tonga ‘o kamata mei he ‘aho Monite 5 ‘o Siulai 2021 ‘I he taimi 8.00 efiafi ki he Monite 2 ‘o ‘Akosi 2021 ‘I he taimi 8.00 efiafi ,tukukehe ‘o ka toe fakafo’ou ‘o fakatata’u ki he lao.
