FAKAMATALA’EA MAKEHE HONO 24 MA’A TONGA FEKAU’AKI MO E SAIKOLONE FAKATALOPIKI KO TINO (KALASI 2) ‘I HONO TUKUATUMEI HE SENITA FAKAMATALA FAKASAIKOLONE ‘A TONGA I FUA’AMOTU I HE TAIMI 04:00PM SAPATE 19 SANUALI 2020
………………………………………………………………………………………………………………………………………..
KO E FAKATOKANGA SAIKOLONE FAKATALOPIKI NA’E TUKU ATU KIMU’A KI HE KOTOA ‘O E ‘OTU TONGA ‘OKU KANISELI ATU IA.KOE NGAAHI
FAKATOKANGA:
KO E FAKATOKANGA MATANGI MALOHI FAKATUPU MAUMAU NA’E TUKU ATU KI HE KOTOA E NGAAHI VAHE FONUA MO E NGAAHI POTUTAHI ‘O E ‘OTU TONGA ‘OKU KANISELI ATU IA.
‘OKU TUKU ATU HENI HA FAKATOKANGA HAKOHAKO KI HE KOTOA VAHEFONUA MO E POTU TAHI ‘O E ‘OTU TONGA.
‘OKU KEI TU’U PE ‘A E FAKATOKANGA ‘UHA LAHI PEA MO E TAFEA KI HE NGAAHI VAHEFONUA ‘O E ONGO NIUA.
‘OKU KEI TU’U PE ‘A E FAKATOKANGA PEAU AAKE MALOHI MALAVA KE NE FAKATUPU HA MAUMAU MO E FALE’I KI HE NGAAHI VAKA IIKI KE ‘OUA ‘E FAI HA OO KI TAHI KI HE KOTOA E NGAAHI POTUTAHI ‘O E ‘OTU TONGA.
TU’UNGA ‘OE ‘EA KO E SAIKOLONE FAKATALOPIKI KO “TINO” (KALASI 2) NA’E FE’UNGA HONO UHOUHONGA MO E LATITUTE 26.2 FAKATONGA, LONGITUTE 168.3 FAKAHIHIFO PE KOE 860KM TONGA-HAHAKE ‘O ‘EUA, 900KM TONGA-HAHAKE ‘O NUKU’ALOFA, 945KM TONGA-HAHAKE ‘O PANGAI, HA’APAI, 1025KM TONGA-HAHAKE ‘O NEIAFU, VAVA’U, 1275KM TONGA TONGA-HAHAKE ‘O NIUATOPUTAPU PE 1410KM TONGA TONGA-HAHAKE ‘O NIUAFO’OU HE TAIMI 04:00PM HE EFIAFI NI. ‘I HONO HALANGA LOLOTONGA, KO E SAIKOLONE FAKATALOPIKI KO “TINO” (KALASI 2) ‘OKU NE NGA’UNU TONGA-HAHAKE ‘I HE MAILETAHI ‘E 25 KI HE HOUA (50KM/HOUA). KO E MALOHI ‘O E HAVILI OFI KI HONO UHOUHONGA ‘OKU A’U KI HE MAILETAHI ‘E 50-60 KI HE HOUA (100-120KM/HOUA). ‘I HONO HALANGA LOLOTONGA, ‘OKU FAKAFUOFUA KE TOKA ‘A E SAIKOLONE FAKATALOPIKI KO “TINO” ‘I HE 2000KM TONGAHAHAKE ‘O E ‘OTU TONGA ‘I HE TAIMI 7:00PM HE EFIAFI NI. KO HA MATANGI HAKOHAKO TE NE KEI UESIA ‘A E ‘OTU TONGA HE ‘AHO NI.
KI HE ONGO NIUA:
ANGI MAMALOHI KE MALOHIANGE E MATANGI MEI HE TOKELAU MO E TOKELAU-HIHIFO MAILETAHI ‘E 15-20 KI HE HOUA (30-40KM/HOUA) PEA HIKI HAKE ‘O ANGI HAKOHAKO E MATANGI ‘I HE MAILETAHI 25-30 KI HE HOUA (50-60KM/HR) HA NGAAHI TAIMI. POPO’ULI E LANGI PEA MO HA ‘UHA FAKATAIMI, LOLO LAHI ‘I HA NGAAHI TAIMI MO HA MANAMANA. MALAVA KE HOKO HA TAFEA ‘I HE NGAAHI FEITU’U ‘OKU MA’ULALO ANGE TUPU MEI HE ‘UHA LAHI MOE AAKE MALOHI ‘A E PEAU. HOU ‘AUPITO KE MA’OLUNGA E TAHI (MITA ‘E 3 KI HE 7). AAKE MALOHI ‘AUPITO E PEAU MALAVA KE NE FAKATUPU HA MAUMAU MEI HE TOKELAU-HIHIFO (LAHI HAKE ‘I HE MITA ‘E 5). KI HE KAU FOLAU TAHI ‘O E NGAAHI VAKA TOUTAI IIKI KI HE NGAAHI POTUTAHI ‘O E ONGO NIUA, ‘OKU ‘OATU ‘A E FALE’I KE ‘OUA TEMOU OO KI TAHI. ‘IKAI KE LELEI E VAKAI ‘I HE NGAAHI FEITU’U ‘OKU ‘UHA LAHI MO MANAMANA.
KI VAVA’U, HA’APAI, TONGATAPU, ‘EUA, TELE-KI-TONGA MO TELE-KI-TOKELAU:
ANGI MAMALOHI KE MALOHIANGE E MATANGI MEI HE TONGA MO E TONGA-HIHIFO MAILETAHI ‘E 15-20 KI HE HOUA (30-40KM/HOUA), PEA HIKI HAKE ‘O ANGI HAKOHAKO E MATANGI ‘I HE MAILETAHI 25-30 KI HE HOUA (50-60KM/HR) HA NGAAHI TAIMI. ‘AO’AOFIA FAKATAIMI PEA MALAVA KE ‘I AI MO HA ‘UHO’UHA TU’U MO TO FAKATAIMI. HOU ‘AUPITO KE MA’OLUNGA E TAHI (MITA ‘E 3 KI HE 7). AAKE MALOHI ‘AUPITO E PEAU MALAVA KE NE FAKATUPU HA MAUMAU MEI HE TOKELAU-HIHIFO (LAHI HAKE ‘I HE MITA ‘E 5). KI HE KAU FOLAU TAHI ‘O E NGAAHI VAKA TOUTAI IIKI KI HE NGAAHI POTUTAHI NI, ‘OKU ‘OATU ‘A E FALE’I KE ‘OUA TEMOU OO KI TAHI.
HU’A MOE MAMAHA ‘O E TAHI MAHATOKA : 09:20PM (HE POONI)
TAUMALIE : 03:30AM (‘AHENGIHENGI) KOE FUA E PALOMETA ‘I HE MALA’E VAKAPUNA FUA’AMOTU HE TAIMI 04:00PM NA’E MILIPA E 1000.9 PEA KOE HAUHAU ‘O E ‘EA NA’E PESETI ‘E 79%.
KO E FAKAMATALA’EA MAKEHE FAKA’OSI ENI MA’A TONGA FEKAU’AKI MO E SAIKOLONE FAKATALOPIKI KO TINO. KO E FAKAMATALA’EA HONO HOKO ANGAMAHENI ‘E TUKU ATU IA HE TAIMI 7:00PM HE EFIAFI NI.………………………………………………………………………………………………………………………………………………………………………………………………….FCD: OF/LF/TTK/PK/VV/SU/SV/= CRS: TT/FL/=