| FAKAMATALA’EA MAKEHE HONO 11 MA’A TONGA FEAKAU’AKI MO E ‘SAIKOLONE FAKATALOPIKI KO SARAI (KALASI 2) ‘I HONO TUKUATU | |
| MEIHE SENITA FAKAMATALA FAKASAIKOLONE ‘A TONGA I FUA’AMOTU I HE TAIMI 04:00PM SAPATE 29 TISEMA 2019 | |
| …………………………………………………………………………………………………………………………………………………………….. | |
| FAKATOKANGA SAIKOLONE FAKATALOPIKI FIKA 3 KI HE ‘OTU TONGA NI : SAIKOLONE FAKATALOPIKI SARAI (KALASI 2) | |
| KOE NGAAHI FAKATOKANGA: | |
| OKU TUKU ATU HENI HA FAKATOKANGA MATANGI MALOHI FAKATUPU MAUMAU KI HE NGAAHI VAHE FONUA MO E POTUTAHI ‘O TONGATAPU MO ‘EUA PEA MO E NGAAHI POTUTAHI ‘O TELE-KI-TONGA MO TELE-KI-TOKELAU.
‘OKU KEI TU’U PE ‘A E FAKATOKANGA ‘UHA LAHI MO E TAFEA KI HE KOTOA E NGAAHI VAHE FONUA ‘O E ‘OTU TONGA. ‘OKU KEI TU’U PE ‘A E FAKATOKANGA MATANGI HAKOHAKO KI HE NGAAHI VAHE FONUA MO E NGAAHI POTUTAHI ‘O VAVA’U, HA’APAI PEA MO E ONGO NIUA. ‘OKU KEI TU’U PE ‘A E FAKATOKANGA MO E FALE’I KI HE FANGA KII VAKA TOUTAI IIKI KE ‘OUA ‘E FAI HA OO KI TAHI KI HE KOTOA E NGAAHI POTUTAHI ‘O E ‘OTU TONGA NI. |
|
| TU’UNGA ‘OE ‘EA | |
| KO E SAIKOLONE FAKATALOPIKI KO “SARAI” (KALASI 2) NA’E FE’UNGA HONO UHOUHONGA MO E LATITUTE 20.0 FAKATONGA, LONGITUTE 179.2 FAKAHAHAKE PE 220KM FAKATONGA TONGAHAHAKE ‘O SUVA, FISI, 600KM HIHIFO TOKELAUHIHIFO ‘O NUKU’ALOFA, 630KM HIHIFO TOKELAU-HIHIFO ‘O ‘OHONUA, ‘EUA, 675KM HIHIFO ‘O PANGAI, HA’APAI, 735KM TONGAHIHIFO ‘O NIUAFO’OU, 730KM HIHIFO ‘O NEIAFU, VAVA’U, 870KM HIHIFO TONGAHIHIFO ‘O NIUATOPUTAPU ‘I HE TAIMI 01:00PM ‘I HE HO’ATAA NI. KO E HALANGA LOLOTONGA ‘O E SAIKOLONE FAKATALOPIKI KO “SARAI” ‘OKU NE NGA’UNU HAHAKE TONGAHAHAKE ‘I HE MAILETAHI ‘E 04 KI HE HOUA (8KM/HR). KO E MALOHI ‘O E HAVILI OFI KI HONO UHOUHONGA ‘OKU A’U KI HE MAILETAHI ‘E 60 KI HE HOUA (120KM/HOUA) PEA TOTAKUTAKU ‘O A’U KI HE MAILETAHI ‘E 70 KI HE HOUA (140KM/HOUA). ‘I HONO HALANGA LOLOTONGA, ‘OKU FAKAFUOFUA KE TOKA ‘A E SAIKOLONE FAKATALOPIKI KO “SARAI” ‘I HE 150KM HIHIFO TOKELAUHIHIFO ‘O ONO-I-LAU, FISI, HE TAIMI 01:00AM ‘A HENGIHENGI. LOLOTONGA KO IA KO HA ‘ALOMATAKI ‘UHA ‘OKU NE TOKA PEA MO NGA’UNU MAMALIE ‘I VAVA’U MO E ONGO NIUA. KO HA ‘AO’AOFIA MO HA ‘UHA FAKATAIMI MO HA MATANGI HAKOHAKO TE NE UESIA E ‘OTU TONGA KI HE ‘AHO NI. | |
| KI TONGATAPU, ‘EUA, TELE-KI-TONGA MO TELE-KI-TOKELAU: ANGI MAMALOHI KE MALOHI ANGE E MATANGI MEI HE HAHAKE MOE TOKELAUHAHAKE ‘I HE MAILETAHI ‘E 15-20 KI HE HOUA (30-40KM/HR), PEA HIKI HAKE ‘A E HAVILI ‘O HAKO KI HE MALOHI FAKATUPU MAUMAU ‘I HE MAILETAHI ‘E 35-45 KI HE HOUA (70-90KM/HR) ‘I HE POONI MO ‘APONGIPONGI. LAHI KE ‘AO’AOFIA MO POPO’ULI E LANGI MO HA ‘UHA FAKTAIMI PEA LOLO LAHI HA NGAAHI TAIMI MO HA MANAMANA. HOU KE HOU ‘AUPITO E TAHI (A’U KI HE MITA ‘E 4). AAKE MAMALOHI KE MALOHI ‘AUPITO E PEAU MEI HE HAHAKE (A’U KI HE MITA ‘E 3 KI HE 4). KI HE KAU FOLAU TAHI ‘O E NGAAHI VAKA TOUTAI IIKI, ‘OKU ‘OATU ‘A E FALE’I NI KE ‘OUA TEMOU OO KI TAHI. ‘IKAI KE LELEI E VAKAI ‘I HE NGAAHI FEITU’U ‘OKU ‘UHA LAHI MO MANAMANA. KI HA’APAI, VAVA’U MO E ONGO NIUA: LAHI KE ‘AO’AOFIA MO POPO’ULI E LANGI MO HA ‘UHA FAKTAIMI PEA LOLO LAHI HA NGAAHI TAIMI MO HA MANAMANA. HOUHOUSI’I KE HOU E TAHI (A’U KI HE MITA ‘E 3). AAKE MAMALOHI KE MALOHI ‘AUPITO E PEAU MEI HE HAHAKE (A’U KI HE MITA ‘E 3 KI HE 4). KI HE KAU FOLAU TAHI ‘O E NGAAHI VAKA TOUTAI IIKI, ‘OKU ‘OATU ‘A E FALE’I NI KE ‘OUA TEMOU OO KI TAHI KI HE KOTOA E NGAAHI POTUTAHI ‘O E ‘OTU TONGA NI. ‘IKAI KE LELEI E VAKAI ‘I HE NGAAHI FEITU’U ‘OKU ‘UHA LAHI MO MANAMANA. |
|
| HU’A MOE MAMAHA ‘O E TAHI | |
| TAUMALIE : 10:00PM (HE POONI) MAHATOKA : 04:20AM (‘AHENGIHENGI) |
|
| KOE FUA E PALOMETA ‘IHE MALA’E VAKAPUNA FUA’AMOTU HE TAIMI 04:00PM NA’E MILIPA E 1007.2 PEA KOE HAUHAU ‘O E ‘EA NA’E PESETI ‘E 96%. KO E FAKAMATALA’EA MAKEHE HONO HOKO MA’A TONGA FEKAU’AKI MO E FAKATOKANGA KE TOKATEU KI HA SAIKOLONE FAKATALOPIKI KO SARAI ‘E TUKU ATU IA HE TAIMI 09:00PM ‘HE POONI PE OFI KI AI. |
|
| …………………………………………………………………………………………………………………………………………………………………………………………………. | |
| FCD:NH/SP/TTK/SU/= CRS: TT/HT/= | |
↧
Fakamatala ‘Ea Makehe Hono 11 Ma’a Tonga Fekau’aki mo e Saikolone Fakatalopiki ko Sarai (Kalasi 2)
↧