‘Oku fanongonongo atu heni ki he kakai fefine kotoa pe ‘oku nau fie kau mai ki he polokalama ako faka’uli ko ‘eni ke ma’u ‘a e laiseni fakakomesiale.
Koe’uhi ko e fiema’u ke ma’u faingamalie ‘a e kakai fefine ‘i he sekitoa ki he fefononga’aki, ‘e fakahoko ‘a e polokalama ako faka’uli ma’ae kakai, ke malava ‘o ma’u laiseni fakakomesiale. ‘Oku fakataumu’a ‘eni ke ke lava ‘o faka’uli tekisii, pasi pe loli mamafa. Pea ko e tu’unga malu ‘oku totonu ke ‘i ai ho’o pasese mo e koloa ‘oku ke fetuku, ‘oku fiema’u ‘aupito keke kau ki ha polokalama ako faka’uli pehe ni kae malava ke faka’ata koe keke ma’u laiseni faka’uli fakakomesiale.
Ko kimoutolu kotoa pe kau fefine ‘o Tonga ‘oku ke pehe ko e tokotaha tonu koe ki he polokalama ni, pea ke tohi mai. ‘Oku ‘ata pe ke ke tohi mai kapau ‘oku te’eki ke ke ma’u laiseni faka’uli. Ko e ‘uluaki toko 20 ‘e tohi mai, te nau ma’u ‘a e faingamalie ni. ‘Oku ‘ataa ke kau mai ki heni ‘a e kau fefine ‘o Tongatapu, ‘Eua, Vava’u pea mo Ha’apai.
Kuopau ke ke:
- ‘I he ta’u motu’a ‘o e 30-45;
- Ma’u ha loto’i fie ako;
- Mo’ui lelei pea ke ‘oua ‘e li’aki ha fo’i ‘aho ako;
- Tauhi taimi mo Tali angi;
- Pea Fa’a Ngaue
Kataki kae ‘omai ha’o tohi kole, tohi fakaongoongo lelei pea mo ha’o ID, ‘o fakatu’asila ki he :
CHIEF EXECUTIVE OFFICER
MINISTRY OF INFRASTRUCTURE
HALA ALAIVAHAMAMA’O, FANGA-‘O-PILOLEVU TONGA
Pe ko ho’o email mai ho’o tohi kole ki he safeguard@tcrtp.to ‘o ‘oua toe tomui ange ‘i he 4:30pm ‘i he ‘aho 20 ‘o Sepitema 2019.