16 ‘o ‘Aokosi, 2019 Na’e ikuna ‘e he Lautohi Pule’anga ‘a Mu’á ‘a e Fe’auhi Solopani ‘a e Vāhenga Hahaké ‘a ia na’e fakahoko ‘i he pongipongi ‘aneafí, aho 15 ‘o Aokosi 2019, ‘i he Holo Vakauá, Kolisi Piulá. Ko e ua ‘i he fe’auhí ko e Laitohi Pule’anga ‘a Hoí pea tolu leva ‘a e Lautohi Pule’anga ‘a Talafo’oú.
Ne fe’unga mo e ngaahi Lautohi Pule’anga fakakātoa ‘e uongofulu ma ua (22) na’e kau atu ki he fe’auhí ‘o kamata mei he kalasi tolu ki he kalasi nima.
Ko e ngaahi fe’auhi solopani fakavāhenga ‘a Tongatapú, na’e kamata ia ‘i he ‘aho 13 o Aokosi pe koe Tūsite kuo maliu atu mei he Vahe Loto pea toki faka’osi ki he Vahe Hihifo ‘i he ‘aho Tu’apulelulu uike kaha’ú.
‘Oku fengāue’aki fakataha ‘a e ‘Öfisi ‘o e ‘Amipasitoa Siapaní pea mo e Potungāue Akó mo e Ako Ngāué.
Koe ngaahi kalasi fe’auhi kehekehe ‘e 3 na’e foaki ki ai e ngaahi pale tu’ukimu’á ‘a ia ko e
Fe’auhi Tohi (Written Category)
Kalasi 5 : – Top student – Melisa ‘Amone, GPS Mu’a
Kalasi 4 : – Laiseni Latu, GPS Talafo’ou
Kalasi 3; – Sililo Lanumata, GPS Lapaha
Flash Category
Kalasi 5: – ‘Ofa Finau, GPS Ha’amonga
Kalasi 4: – Natasha Kaho, GPS Hoi
Kalasi 3: – Genette Ponitini, GPS Lapaha
Fe’auhi Fika Loto (Oral Category)
Kalasi 5: – ‘Ofa Finau, GPS Ha’amonga
Kalasi 4 : – Lisia Tupou, GPS Kolonga
Kalasi 3: – Sisimaile Tu’avao, GPS Lapaha
Ko e fe’auhi ‘a e kau faiako ‘a e Vahe Hahaké na’e ma’u ia ‘e Siosifa Mafi mei he Lautohi Pule’anga Talafo’oú.
NGATA’ANGA
Tuku atu mei he Potungaue Fakamatala ‘Ea, Ma’u’anga Ivi, Ma’u’anga Fakamatala, Tokangaekina Fakatamaki Fakaenatula, ‘Atakai, Feliuliuaki ‘o e ‘Ea mo e Fetu’utaki.