16 Siulai, 2019 “‘Oku tokolahi ange kau mai ‘a e kakai ‘o e Vahe Fonua Ha’apaí ki he Faka’ali’ali Ngoue ‘o e ta’ú ní fakatatau ki he ta’u kuo’osí pea ‘oku fiefia ai ‘a e Potungäue Fefakatau’aki ‘a Ha’apaí ni he ‘oku kau fakataha mo e kakai ‘i hono poupoua ‘a e Polokalama Maa’imoa Faka’ali’ali Ngoué, Toutaí, Takimamatá pea mo e Fefakatau’aki ‘a e Vahe Fonua Ha’apai 2019.”
Ko e fakahä ‘eni ‘e he ‘Ofisa ‘oku ne tokangaekina ‘a e Potungäue Fefakatau’aki ‘o Ha’apaí, Sione Paletu’a ‘i he’enau kau atu ki he polokalama faka’ali’ali ngoue ‘o e ta’u ni.
“’Oku mau faka’ali’ali atu heni ‘a e ngaahi pepa fakamatala ki he totongi ‘o e lolo mo e kasá. Pea ‘oku mau feinga pē ke ‘ilo he kakaí ‘a e ngaahi liliu ki he totongi ‘oku ngäue’aki ‘i he mahina kotoa pē. ‘Oku liliu foki ‘a e totongi ki he kasá ‘o kamata he ‘aho 16 ‘o e mahina kotoa pé.”
Na’a né fakahä ‘oku nau toe faka’ali’ali atu mo e ngaahi pepa fakamatala fekau’aki mo e tu’unga lelei koia ‘o e ngaahi koloa ‘oku kei ‘aonga ke ngäue’aki ‘e he kakaí fakataha mo e ngaahi koloa kuo’osi ‘a hono ‘aonga (expire).
“Ko e ‘uhinga eni he ‘e kau kovi ia ki he mo’uí, ‘a ia ‘oku mau fengäue’aki ai mo e Va’a Me’atokoní pea pehē foki ki he Potungäue Mo’uí. Taimi tatau ‘oku mau toe faka’ali’ali atu mo e ngaahi pepa ‘oku ne fakamatala ‘a e koloa ‘i he lea ‘e uá, ko e lea faka-Pilitaniá pea mo e lea faka-Tongá ke mahino’i ‘e he tokotaha ‘oku né fakatau ‘a e koloá ‘a e ngaahi me’a ‘oku ngaohi ‘aki ‘a e koloa koiá.”
Na’e kau atu foki ‘a e ‘Ōfisi ‘o e ‘Omipatimení mo e ni’ihi e Potungäue ‘a e Pule’anga ‘i Ha’apaí ni ki he Faka’ali’ali Ngoué ‘o kau ki ai ‘a e Takimamatá, Potungaue Mo’uí, MEIDECC kae pehe ki he PotungaueToutaí mo e Ngoué.
NGATA’ANGA
Tuku atu mei he: Potungāue Fakamatala ‘Ea, Ma’u’anga Ivi, Ma’u’anga Fakamatala, Tokangaekina Fakatamaki Fakaenatula, ‘Atakai, Feliuliuaki ‘o e ‘Ea mo e Fetu’utaki.