06 ‘o ‘Epeleli, 2019 ENGLISH ‘Oku fakahisitolia e ‘ahó ni ki he kainga ‘o e Vahe Hihifó ‘i he ha’elea fakataha ‘e he Ta’ahine Kuiní Nanasipau’u mo Pilinisi Ata pea mo e Pilinisi Kalauini ‘o Norway, Haakon Magnus ke me’a tonu ‘a e Tama Pilinisi ‘o Norway ki he ngaahi uesia kovi ‘o e feliliuaki ‘o e ‘eá pehē ki he tu’u lavea ngofua e mo’ui e kakai ‘o e ongo koló.
‘I he ‘ahia koeni ‘e he Pilinisi ‘a e ongo koló, na’a ne tö ai ha fu’u tongo ‘i ‘Ahau ke faka’ilonga’i ‘aki ‘ene poupou ki he kakai ‘o Tongá ‘oku malava pē ke matu’uaki ‘a e ngaahi uesia e feliliuaki ‘o e ‘ea. Na’e kau ki ai mo hono faka’ilonga’i ‘a e ‘amanaki ke fakahoko ha polokalama tö tongo ‘a ia ‘oku fakapa’anga ia ‘e he Pule’anga Fakatahataha ‘o ‘Iulopé ‘o fakafou mai ‘i he uma ngaue fakavaha’a pule’anga ‘a e Pule’anga Siamane ‘a ia ‘oku ‘iloa ko e Deutsche Gesellschaft für Internationale Zusammenarbeit pe GIZ.
‘I he taimi tatau, na’e lava foki ke me’a tonu ‘a Pilinisi Haakon ki he ngäue ‘oku lolotonga fakahoko ‘a ia ko e langa e fösoa ‘i he ongo kolo.
Na’e ‘i he ongo polokalama ko ení ‘a e ‘Eiki Tokoni Palemia Semisi Sika, ‘Eiki Minisita ‘o e Potungaue MEIDECC Poasi Tei, ‘Eiki Minisita ‘o e Potungaue Ngoue, Me’atokoni mo e Vaota Losaline Ma’asi, Pule Ngaue ‘a e Potungaue MEIDECC Paula Ma’u, kau fakaafe kehe pea mo e kainga ‘o e ongo koló.
NGATA’ANGA
Tuku atu mei he: Potungāue Fakamatala ‘Ea, Mau’anga Ivi, Ma’u’anga Fakamatala, Tokangaekina Fakatamaki Fakaenatula, ‘Atakai, Feliuliuaki ‘o e ‘Ea mo e Fetu’utaki
