08 ‘o Ma’asi, 2019 ENGLISH ‘Oku tuku atu ‘e he Kautau ‘a ‘Ene ‘Afio ‘a e ongoongo makehe ko eni, makatu’unga ‘i ha ngaahi ongoongo hala ‘oku tuku mai pea ‘oku uesia ai ‘a e ongoongo ‘o e Kautau ‘a ‘Ene ‘Afio.
‘Oku ‘ikai ke poupou ‘a e Kautau ki ha fa’ahinga tui pe kaveinga Fakapolitikale. ‘Oku taliui ‘a e Kautau ki he tu’utu’uni, pea ke tu’u ‘ataa mei ha ngaahi ngaue mo ha taalanga Fakapolitikale. Ko e ‘uhi ko e Kautau ‘a ‘Ene ‘Afio ‘i he taimi kotoape ‘oku ‘ikai ha’ane kaunga ki ha taumu’a pe ngaue fakapolitikale (Apolitical).
‘Oku mateuteu ‘a e Kautau ke fakahoko honau fatongia ‘oku fokotu’utu’u ‘i he lao ‘o Tonga. Koe makatu’unga eni ‘oku ‘ikai ai kaunga pe poupou ‘a e ‘Eikitau, Pilikatia Fielakepa pea mo e memipa kotoa ‘o e Kautau ‘a ‘Ene ‘Afio ki ha ngaue ‘oku taumu’a fakapolitikale.
NGATA’ANGA
Tuku atu mei he: Kau Tau ‘Ene ‘Afio.