| FAKAMATALA’EA MAKEHE HONO 9 MA’A TONGA FEAKAU’AKI MO ‘ALOTAMAKI FAKATALOPIKI 11F ‘I HONO TUKUATU | |
| MEIHE SENITA FAKAMATALA FAKASAIKOLONE ‘A TONGA I FUA’AMOTU I HE TAIMI 02:00PM TUSITE 26 FEPUELI 2019 | |
| …………………………………………………………………………………………………………………………………………………………….. | |
| FAKATOKANGA SAIKOLONE FAKATALOPIKI KI HE ‘OTU TONGA. | |
| KO E NGAAHI FAKATOKANGA KI HE NGAAHI VAHE FONUA MO E NGAAHI POTUTAHI: | |
| ‘OKU TUKU ATU HENI HA FAKATOKANGA MATANGI MALOHI FAKATUPU MAUMAU KI HE NGAAHI VAHE FONUA MO E POTUTAHI KOTOA E ‘OTU TONGA.
‘OKU TUKU ATU HENI HA FAKATOKANGA ‘UHA LAHI MO TAFEA KI HA’APAI KA ‘OKU KEI TU’U PE ‘A E FAKATOKANGA NI KI HE ONGO NIUA MO VAVA’U. ‘OKU TUKU ATU HENI HA FAKATOKANGA PEAU AAKE MALOHI MALAVA KE NE FAKATUPU HA MAUMAU KI HE NGAAHI MATAFANGA KOTOA ‘O E ‘OTU TONGA. |
|
| TU’UNGA ‘O E ‘EA | |
| KO E ‘ALOTAMAKI FAKATALOPIKI 11F NA’E FE’UNGA HONO UHOUHONGA MO E LATITUTE 15.1 FAKATONGA, LONGITUTE 175.6 FAKAHIHIFO PE 50KM TOKELAU ‘O NIUAFO’OU PE 220KM HIHIFO TOKELAU-HIHIFO ‘O NIUATOPUTAPU HE TAIMI 1:00PM ‘O E HO’ATAA NI. KO E ‘ALOTAMAKI FAKATALOPIKI NI ‘OKU NE NGA’UNU FAKATONGA HE MAILETAHI ‘E 14 KI HE HOUA (26KM/HR). ‘OKU MALAVA KE HOKO ‘A E ‘ALOTAMAKI FAKATALOPIKI KO 11F KO HA SAIKOLONE ‘I HE HOUA 6 KA HOKO MAI. KO E MALOHI ‘O E HAVILI OFI KI HO HONO UHOUHONGA ‘OKU A’U KI HE MAILETAHI ‘E 30 KI HE HOUA (55KM/HOUA) PEA TO TAKUTAKU ‘O A’U KI HE MAILETAHI ‘E 40-45 KI HE HOUA (74-83KM/HOUA). ‘I HONO HALANGA LOLOTONGA, ‘OKU FAKAFUOFUA KE TOKA ‘A 11F ‘I HE 125KM FAKATONGA ‘O NIUAFO’OU, 210KM HIHIFO TONGA-HIHIFO ‘O NIUATOPUTAPU PE 275KM TOKELAU-HIHIFO ‘O VAVA’U HE TAIMI 7:00PM ‘O E EFIAFI NI. KO HA ‘UHA LAHI MO HA MATANGI MALOHI FAKATUPU MAUMAU TE NE UESIA ‘A E ONGO NIUA PEA TE NE MAFOLA ATU AI PE KI HE VAVA’U HE EFIAFI NI. | |
| KI HE ONGO NIUA: ANGI E MATANGI MEI HE HAHAKE MO E TONGA-HAHAKE MAILETAHI ‘E 15-20 KI HE HOUA (27-37 KM/HOUA), PEA TEKA E MATANGI ‘O ANGI MEI HE TOKELAU MO E TOKELAU-HAHAKE MAILETAHI ‘E 25-30 KI HE HOUA (46-55 KM/HOUA) PEA TOTAKUTAKU ‘O A’U KI HE MAILETAHI ‘E 40-45 KI HE HOUA (74-83KM/HOUA) HE EFIAFI NI. LAHI ‘AO’AOFIA MO FAKAPOPO’ULI E LANGI MO HA ‘UHA FAKATAIMI, LOLO LAHI MO HA MANAMANA. HOU KE HOU ‘AUPITO E TAHI. AAKE MALOHI E PEAU FAKATUPU MAUMAU MEI HE TOKELAU. MALAVA KE TAFEA E NGAAHI VAHEFONUA MO E NGAAHI MATAFANGA MA’ULALO TUPU MEI HE ‘UHA LAHI MO E AAKE ‘A E PEAU. KI VAVA’U: KI HA’APAI: KI TONGATAPU MO ‘EUA: LAHI ‘AO’AOFIA MOHA TUU MO TO FAKATAIMI PEA KAMATA KE LOLO LAHI MAI APONGIPONGI. HOU KE HOU ‘AUPITO E TAHI. AAKE MALOHI E PEAU FAKATUPU MAUMAU MEI HE TOKELAU. MALAVA KE TAFEA E NGAAHI VAHEFONUA MO E NGAAHI MATAFANGA MA’ULALO TUPU MEI HE ‘UHA LAHI MO E AAKE ‘A E PEAU. |
|
| HU’A MOE MAMAHA ‘O E TAHI | |
| MAHATOKA : 07:35PM (HE EFIAFI NI) TAUMALIE : 01:50PM (‘AHENGIHENGI) |
|
| KOE FUA E PALOMETA ‘IHE MALA’E VAKAPUNA FUA’AMOTU HE TAIMI 02:00PM NA’E MILIPA E 1004.6 PEA KOE HAUHAU ‘O E ‘EA NA’E PESETI ‘E 85%. KO E FAKAMATALA ‘EA MAKEHE HONO HOKO MA’A TONGA FEKAU’AKI PEA MOE ‘ALOTAMAKI FAKATALOPIKI 11F ‘E ‘OATU IA HE TAIMI 05:00PM HE EFAFI NI. |
|
| …………………………………………………………………………………………………………………………………………………………………………………………………. | |
| FCD: OF/VF/PK/SP/STP/NH/AA/SU= CRS: ST/HT/= | |
↧
Fakamatala ‘Ea Makehe hono 9 ma’a Tonga Fekau’aki mo e ‘Alotamaki Fakatalopiki 11F
↧