| FAKAMATALA’EA MAKEHE HONO 1 MA’A TONGA FEAKAU’AKI MO ‘ALOTAMAKI FAKATALOPIKI 11F ‘I HONO TUKUATU | |
| MEIHE SENITA FAKAMATALA FAKASAIKOLONE ‘A TONGA I FUA’AMOTU I HE TAIMI 11:00AM MONITE 25 FEPUELI 2019 | |
| …………………………………………………………………………………………………………………………………………………………….. | |
| ‘OKU TUKU ATU HENI HA FAKATOKANGA KE TOKATEU KI HA SAIKOLONE FAKATALOPIKI KI HE ‘OTU TONGA. | |
| KOE NGAAHI FAKATOKANGA: | |
| ‘OKU TUKU ATU HENI HA FAKATOKANGA MATANGI MALOHI FAKATUPU MAUMAU KI HE NGAAHI VAHE FONUA MO E POTUTAHI ‘O E ONGO NIUA MO VAVA’U.
‘OKU TUKU ATU HENI HA FAKATOKANGA KE TOKATEU KI HA MATANGI MALOHI FAKATUPU MAUMAU KI HE VAHEFONUA MOE POTUTAHI ‘O HA’APAI, TONGATAPU MO ‘EUA. ‘OKU TUKU ATU HENI HA FAKATOKANGA ‘UHA LAHI MO TAFEA KI HE ONGO NIUA MO VAVA’U. ‘OKU TUKU ATU HENI HA FAKATOKANGA PEAU AAKE MALOHI MALAVA KE NE FAKATUPU HA MAUMAU KI HE NGAAHI MATAFANGA E ONGO NIUA PEA MO VAVA’U. |
|
| TU’UNGA ‘OE ‘EA | |
| KO E ‘ALOTAMAKI FAKATALOPIKI 11F NA’E FE’UNGA HONO UHOUHONGA MO E LATITUTE 11.9 FAKATONGA, LONGITUTE 176.2 FAKAHIHIFO PE 415KM TOKELAU ‘O NIUAFO’OU PE 520KM TOKELAU TOKELAU-HIHIFO ‘O NIUATOPUTAPU HE TAIMI 10:00AM ‘O E PONGIPONGI NI. KO E ‘ALOTAMAKI FAKATALOPIKI NI ‘OKU NE NGA’UNU MAMALIE PEA FAKAFUOFUA TE NE NGA’UNU FAKATONGA TONGA-HAHAKE HE MAILETAHI ‘E 10 KI HE HOUA (18KM/HR). ‘OKU MALAVA KE HOKO ‘A E ‘ALOTAMAKI FAKATALOPIKI KO 11F KO HA SAIKOLONE ‘I HE HOUA 24 KA HOKO MAI. ‘I HONO HALANGA LOLOTONGA, ‘OKU FAKAFUOFUA KE TOKA ‘A 11F ‘I HE 105KM TOKELAU TOKELAU-HIHIFO ‘O NIUATOPUTAPU PE 175KM HAHAKE TOKELAU-HAHAKE ‘O NIUAFO’OU HE TAIMI 01:00AM ‘AHENGIHENGI. KO HA ‘UHA LAHI MO HA MATANGI HAKOHAKO MO MALOHI FAKATUPU MAUMAU ‘OKU MALAVA KE NE UESIA ‘A E ONGO NIUA MO VAVA’U. | |
| KI HE ONGO NIUA MO VAVA’U: ANGI E MATANGI MEI HE TONGA MOE TONGA-HAHAKE MAILETAHI ‘E 15-20 KI HE HOUA (27-37 KM/HOUA), PEA TO TAKUTAKU A’U KI HE MAILETAHI ‘E 25-30 KI HE HOUA (46-55 KM/HOUA) ‘I HA NGAAHI TAIMI. LAHI ‘AO’AOFIA MO FAKAPOPO’ULI E LANGI MO HA ‘UHA FAKATAIMI, LOLO LAHI PEA MO HA MANAMANA. HOUHOUSI’I KE HOU E TAHI. AAKE MALOHI E PEAU FAKATUPU MAUMAU MEI HE TONGA-HAHAKE. MALAVA KE TAFEA E NGAAHI VAHEFONUA MO E NGAAHI MATAFANGA MA’ULALO TUPU MEI HE ‘UHA LAHI MO E AAKE ‘A E PEAU. KI HA’APAI, TONGATAPU MO ‘EUA: LAHI ‘ALOMALIE PE TUKUKEHE ‘AO’AOFIA FAKATAIMI PEA MALAVA KE ‘IAI MO HA ‘UHO’UHA TU’U MO TO. HOUHOUSI’I KE HOU E TAHI. AAKE MALOHI E PEAU FAKATUPU MAUMAU MEI HE TOKELAU. MALAVA KE TAFEA E NGAAHI VAHEFONUA MO E NGAAHI MATAFANGA MA’ULALO TUPU MEI HE ‘UHA LAHI MO E AAKE ‘A E PEAU. |
|
| HU’A MOE MAMAHA ‘O E TAHI | |
| TAUMALIE : 12:15PM MAHATOKA : 06:40PM |
|
| KOE FUA E PALOMETA ‘IHE MALA’E VAKAPUNA FUA’AMOTU HE TAIMI 11:00AM NA’E MILIPA E 1010.0 PEA KOE HAUHAU ‘O E ‘EA NA’E PESETI ‘E 80%. KO E FAKAMATALA’EA MAKEHE HONO HOKO MA’A TONGA FEKAU’AKI PEA MOE ‘ALOTAMAKI FAKATALOPIKI KO 11F ‘E TUKU ATU IA HE TAIMI 05:00PM HE EFAFI NI. |
|
| …………………………………………………………………………………………………………………………………………………………………………………………………. | |
| FCD: OF/VF/PK/TTK/SP/STP/JS= CRS: UV/FV/= | |
↧
Fakamatala ‘Ea Makehe hono 1 ma’a Tonga fekau’aki mo ‘Alotamaki Fakatalopiki 11F
↧