FAKAMATALA’EA MAKEHE HONO 6 MA’A TONGA FEKAU’AKI MOE ‘ALOTAMAKI FAKATALOPIKI 06F ‘I HONO TUKUATU MEIHE SENITA FAKAMATALA FAKASAIKOLONE ‘A TONGA I FUA’AMOTU I HE TAIMI 07:00PM TUAPULELULU 07 FEPUELI 2019 …………………………………………………………………………………………………………………..
‘OKU KEI TU’U PE HA FAKATOKANGA KE TOKATEU KI HA SAIKOLONE FAKATALOPIKI
KI HE ‘OTU TONGA.KOE NGAAHI FAKATOKANGA:
OKU TUKU ATU HA FAKATOKANGA MATANGI MALOHI FAKATUPU MAUMAU LAHI KI HE VAHE FONUA MOE NGAAHI POTUTAHI ‘O VAVA’U PEA ‘OKU TUKU ATU MOE FAKATOKANGA TATAU PE KI HA’APAI.
KOE FAKATOKANGA MATANGI MALOHI FAKATUPU MAUMAU LAHI KI HE VAHE FONUA MOE NGAAHI POTUTAHI ‘O E ONGO NIUA KUO KANISELI. ‘OKU TUKU ATU HA FAKATOKANGA MATANGI MALOHI FAKATUPU MAUMAU KI HE ONGO NIUA.
‘OKU KEI TU’U PE ‘AE FAKATOKANGA MATANGI HAKOHAKO KI HE NGAAHI VAHE FONUA MOE NGAAHI POTUTAHI ‘O TONGATAPU, ‘EUA, TELE-KI-TONGA MO TELE-KI-TOKELAU.
‘OKU KEI TU’U PE FAKATOKANGA ‘UHA LAHI MO TAFEA KI HE NGAAHI VAHE FONUA KOTOA ‘O E ‘OTU TONGA.
‘OKU KEI TU’U PE ‘A E FAKATOKANGA PEAU AAKE MALOHI MALAVA KE NE FAKATUPU HA MAUMAU KI HE NGAAHI POTUTAHI ‘O E ONGO NIUA MO VAVA’U PEA ‘OKU TUKU ATU MOE FAKATOKANGA TATAU PE KI HA’APAI.
TU’UNGA ‘OE ‘EA KO E ‘ALOTAMAKI FAKATALOPIKI KOIA KO 06F NA’E FE’UNGA HONO UHOUHONGA MO E LATITUTE 16.16 FAKATONGA, LONGITUTE 177.15 FAKAHIHIFO PE KILOMITA ‘E 177 FAKA-HIHIFO TOKELAU-HIHIFO ‘O NIUAFO’OU, PE KILOMITA ‘E 266 FAKAHIHIFO ‘O NIUATOPUTAPU, PE KILOMITA ‘E 309KM FAKA-TOKELAU TOKELAU HIHIFO ‘O VAVA’U HE 04:00PM HE EFIAFINI. KO E ‘ALOTAMAKI FAKATALOPIKI NI ‘OKU NE NGA’UNU FAKATONGA TONGA-HAHAKE HE MAILETAHI ‘E 15 KI HE HOUA (28KM/HOUA) PEA ‘OKU MALAVA KE NE HOKO KO HA SAIKOLONE FAKATALOPIKI ‘I HE HOUA ‘E 36 KA HOKO MAI. LOLOTONGA KOIA, KO HA ‘ALOTAMAKI ‘UHA ‘OKU NE TOKA MO NGA’UNU MAMALIE ‘I HE ‘OTU TONGA NI. KO HA ‘AO’AOFIA, ‘UHA LAHI MO HA MATANGI HAKOHAKO TE NE UESIA ‘A E ‘OTU TONGA. KI HE ONGO NIUA :
ANGI E MATANGI MEI HE TOKELAU-HAHAKE MAILETAHI ‘E 20-30 KI HE HOUA (37-55 KM/HOUA), PEA TO TAKUTAKU ‘O A’U KI HE MAILETAHI ‘E 40 KI HE HOUA (74KM/HOUA). LAHI ‘AO’AOFIA MO HA ‘UHA TU’U MO TO, LOLO LAHI HA NGAAHI TAIMI MO HA MANAMANA.
HOU KE HOU ‘AUPITO E TAHI. AAKE MALOHI E PEAU FAKATUPU MAUMAU MEI HE TOKELAU-HAHAKE.
KI HA’APAI MO VAVA’U:
ANGI E MATANGI MEI HE TOKELAU-HAHAKE MAILETAHI ‘E 30-35 KI HE HOUA (55-65 KM/HOUA), PEA TO TAKUTAKU ‘O A’U KI HE MAILETAHI ‘E 55 KI HE HOUA (101KM/HOUA). LAHI ‘AO’AOFIA MO HA ‘UHA TU’U MO TO, LOLO LAHI HA NGAAHI TAIMI MO HA MANAMANA.
HOU KE HOU ‘AUPITO E TAHI. AAKE MALOHI E PEAU FAKATUPU MAUMAU MEI HE TOKELAU-HAHAKE.
KI TONGATAPU MO ‘EUA:
ANGI E MATANGI MEI HE HAHAKE MOE TOKELAU-HAHAKE MAILETAHI ‘E 15-20 KI HE HOUA (27-37 KM/H), PEA HAKOHAKO HA NGAAHI TAIMI ‘O A’U KI HE MAILETAHI ‘E 25-30 KI HE HOUA (45-55KM/H). LAHI ‘AO’AOFIA PE MO HA ‘UHO’UHA TU’U MO TO, MALAVA KE LOLO LAHI HA NGAAHI TAIMI MO HA MANAMANA. HOU E TAHI. AAKE MAMALOHI E PEAU MEI HE TONGA-HAHAKE. HU’A MOE MAMAHA ‘O E TAHI TAUMALIE : 09:30PM
MAHATOKA : 03:47AM KOE FUA E PALOMETA ‘I HE MALA’EVAKAPUNA FUA’AMOTU HE TAIMI 07:00PM NA’E MILIPA ‘E 1004.5, PEA KOE HAUHAU ‘OE ‘EA NA’E PESETI ‘E 89%.
KOE FAKAMATALA’EA MAKEHE HONO HOKO ‘E ‘OATU IA HE TAIMI 02:00AM (08/02/2019) ‘AHENGIHENGI.………………………………………………………………………………………………………………………………………………………………………………………………….FCD: MT/SP/FH/SV/TTK/= CRS: TT/UV/=
