6 ‘o Fepueli, 2019 ENGLISH Kuo kakato foki ‘a e ngäue na’e fakahoko ‘e he vaka Reliance ki he halanga ‘initaneti oma ki tu’apule’angá pehé foki ki he ‘otu motú.
Na’e lava ‘a hono fakahoko ‘a e fëhokotaki ki he laine keipolo ki tu’apule’angá fakafou ‘i he Southern Cross Cable Network ki Fisi ‘i he pongipongi Tokonakí ‘a ia na’e kakato aipe mo e ngäue ki he halanga ‘initaneti ki he ‘otu motu ‘aneafí.
‘I he fakamatala ‘a e Pule ‘Enisinia, Luis Rey, ko e maumau na’e hoko ki he laine keipolo ‘oku pehe ko ha me’a mälohi na’e makatu’unga ai ‘a e maumau ki he laine keipolo.
Na’a΄ ne fakahä foki ko e ngäue angamaheni ‘a e vaka Reliance ki ha laine keipolo ‘oku meimei ke ‘aho ‘e fä ki he nima ‘i he mamaha ‘a e tahi pea ka ‘i he loloto ange koia ‘a e tahi ‘e fakafuofua ke fakahoko ‘a e ngäue ki he maumau ‘o laka hake he ‘aho ‘e ono.
“’Oku mau fiefia ‘oku foki pe ‘a Tonga ki he tu’unga na’e ‘i ai kimu’a.”
Na’e fakahoko foki ‘e he Kautaha Keipolo ‘a Tonga ha ki’i polokalama fakamavae ‘i he pongipongi ‘o e ‘aho ni ‘i he Hotele Tanoa ma’ae timi ngaue ‘a e vaka Reliance ke fakamalo’ia ‘a e ngäue kuo lava.
‘Oku ‘amanaki ke mavahe atu ‘a e vaka mei Tonga ni ‘i he efiafi ˊni.
NGATA’ANGA
Tuku atu mei he: Potungāue Fakamatala ‘Ea, Ma’u’anga Ivi, Ma’u’anga Fakamatala, ‘Ōfisi ki hono Tokangaekina ‘a e Ngaahi Fakatamaki Fakaenatula, ‘Ātakai, Feliuliuaki e ‘Ea mo e Fetu’utaki.