01 Fepueli 2019 ENGLISH ‘Oku fakafuofua ‘e fakafoki ‘a e halanga ‘initaneti ki tu’apule’angá ‘apongipongí ki he tu’unga anga mahení ‘o kapau ‘e ola lelei e ngäué ‘o fakatatau ki he ngaahi fokotu’utu’u ngäue ‘a e vaka Reliance pea mo e ngaahi kupu fekau’aki.
Na’e fakahä ‘e he Pule Lahi ‘a e Kautaha Keipolo ‘a Tongá (TCL), Edwin Liava’a na’e kamata ‘i he 7 ‘aneuhu ‘a hono hoko ‘a e maumau ki he halanga ‘initanetí ‘i he tafa’aki ki Tonga. ‘Oku fakafuofua foki ‘e fe’unga mo e houa ‘e 18 ‘a hono hoko ‘a e maumau ko ení.
Hili hono hokó, ‘e kamata leva ‘a hono tesi ‘a e halanga ‘initanetí fakafuofua ki he houa ‘e 10 pea ka ola lelei ‘a e ngäue ko iá ‘e foki leva ‘a e halanga ‘initanetí ki he tu’unga na’e ‘i ai kimu’á.
‘E toki ngäue atu leva ‘a e ngaahi kautaha fetu’utakí (TCC & Digicel) ki hano fakafoki ‘ena sēvesí ke foki ki he halanga ‘initaneti keipoló ‘i he efiafi ‘apongipongí.
NGATA’ANGA
Tuku atu mei he: Potungāue Fakamatala ‘Ea, Ma’u’anga Ivi, Ma’u’anga Fakamatala, ‘Ōfisi ki hono Tokangaekina ‘a e Ngaahi Fakatamaki Fakaenatula, ‘Ātakai, Feliuliuaki e ‘Ea mo e Fetu’utaki.
