Fakahaofi ngaahi me’amo’ui tu’ufonua

31 Me 2016 Na’e kamata ‘aneafi ‘a hono fakamanatua ‘o e uike ‘atakai ‘aki ha polokalama to ‘akau ‘i he ngaahi ‘api ako kolisi ‘e nima ‘a ia na’e taki ‘e ha timi mei he Va’a ki he ‘Atakai mei he Potungaue MEIDECC.

Ko e kaveinga ‘o e Uike ‘Atakai ‘o e ta’u ni, ko e “Fakahaofi e ngaahi me’amo’ui tu’ufonua.”

Na’e fakaha ‘e he Talekita Le’ole’o ki he Va’a ‘Atakai, Siosiua Latu ‘oku mahu’inga  hono fakamanatua ‘o e Uike ‘Atakai he ta’u kotoa pe.

“’Oku mahu’inga ‘a hono fakamanatua ‘a e uike ko ‘eni koe’uhi ‘e malava ai ke fakahoko hono fakamanatu  ki he kakai ‘o e fonua ‘a e mahu’inga ke tauhi mo fakatolonga ‘a hotau ‘atakai.”

Na’e kamata ‘a e polokalama to ‘akau ‘i he Kolisi Lavengamalie ‘a ia na’e to ai ‘e he fanau ako ha fu’u hehea ‘e ua. Ko e taumu’a foki ‘a e polokalama ko ‘eni ke fakaha ki he fanau ako ‘a e mahu’inga ke fakatolonga ‘a hotau ‘akau tu’ufonua.

‘E faka’osi’aki ‘a e Uike ‘Atakai ‘a e lotu fakatahataha ‘i he Siasi ‘o Tonga ‘i Pikula ‘i he Sapate, 5 ‘o Sune.

Ko e anga leva ‘eni e tu’u ‘a e toenga ‘o e polokalama ki he uike ni ;

NGATA’ANGA